Ymgynghoriad Cyhoeddus Gorchymyn Cyngor Sir

Ymgynghoriad Cyhoeddus Gorchymyn Cyngor Sir Ceredigion (Llefydd Parcio Oddi ar y Stryd) 2025

Daeth yr ymgynghoriad hwn i ben ar y 4^ydd o Rhagfyr 2024.

Mae'r ymatebion i'r ymgynghoriad hwn yn cael eu hadolygu ar hyn o bryd. Bydd manylion y canlyniad yn cael eu cyhoeddi yma maes o law.

Ymgynghoriad Gwreiddiol

Hysbysir drwy hyn bod Cyngor Sir Ceredigion yn bwriadu gwneud Gorchymyn Cyngor Sir Ceredigion (Llefydd Parcio Oddi ar y Stryd) 2025.

Effaith y Gorchymyn hwn fydd:

Dirymu Gorchymyn Cyngor Sir Ceredigion (Llefydd Parcio Oddi ar y Stryd) (Cydgrynhoi) 2012; Gorchymyn Cyngor Sir Ceredigion (Llefydd Parcio Oddi ar y Stryd) (Cydgrynhoi) 2012 (Gorchymyn Diwygio 1) 2014; a Gorchymyn Cyngor Sir Ceredigion (Llefydd Parcio Oddi ar y Stryd) (Cydgrynhoi) 2012 (Gorchymyn Diwygio 2) 2017
Ailgyflwyno darpariaethau'r Gorchmynion uchod ac eithrio fel a ganlyn:
1. Newid dyddiau ac oriau codi tâl y meysydd parcio canlynol – Ffordd yr Eglwys a Stryd y Cware, Ceinewydd; Traeth y De, Aberaeron a Promenâd Newydd, Aberystwyth – o 1 Mawrth – 31 Hydref, 8am – 10pm i Bob Dydd, 8am – 6pm
2. Newid dynodiad Maes Parcio Pendre, Aberteifi o Faes Parcio Deiliad Trwydded yn Unig i Faes Parcio Arhosiad Byr, Pob Dydd, 8am- 6pm, uchafswm arhosiad 2 awr
3. Newid dynodiad Maes Parcio Rhes Gloster / Red Lion, Aberteifi o Faes Parcio Talu ac Arddangos i Faes Parcio Deiliad Trwydded yn Unig
4. Wedi'i esemptio rhag talu taliadau mewn Meysydd Parcio Arhosiad Hir ac Arhosiad Byr Gerbyd sy'n arddangos Bathodyn dilys Person Anabl ar yr amod bod y Cerbyd hwnnw ar adeg ei barcio naill ai'n cael ei yrru neu'n cael ei feddiannu fel teithiwr gan ddeiliad Bathodyn y Person Anabl
5. Cyflwyno darpariaethau sy'n ymwneud â defnyddio Cilfachau Gwefru Cerbydau Trydan a Mannau cysylltiedig Gwefru Cerbydau Trydan
6. Newid maint Maes Parcio Maesyrafon, Aberystwyth i gynnwys yr estyniad newydd arfaethedig i'r maes parcio hwn
7. Cyflwyno Atodlenni diwygiedig Taliadau
8. Diweddaru darpariaethau sy'n ymwneud â dulliau talu'r taliadau ar gyfer defnyddio Llefydd Parcio Arhosiad Hir a Byr
9. Diweddaru a mewnosod diffiniadau o dan Ran 2 – Dehongli
10. Diweddaru'r Atodlen o fapiau sy'n dynodi maint y Llefydd Parcio er mwyn:
  1. adlewyrchu data topograffig wedi'i ddiweddaru
  2. cael gwared ar ddarnau o dir a werthwyd gan y Cyngor
  3. cael gwared ar ddarnau o dir nad ydynt bellach yn cael eu lesio gan y Cyngor, a
  4. i gywiro hepgoriadau / gwallau ym maint y Llefydd Parcio presennol
11. Dileu darpariaethau nad ydynt bellach yn berthnasol
12. Diweddaru darpariaethau lle bo angen er mwyn cyd-fynd â newidiadau mewn deddfwriaeth

Mae manylion llawn y cynigion hyn wedi'u cynnwys yn y Gorchymyn drafft.

Gellir archwilio'r cynigion hefyd yn swyddfeydd Cyngor Sir Ceredigion ym Mhenmorfa, Aberaeron; Canolfan Alun R Edwards, Maes y Frenhines, Aberystwyth; Swyddfeydd y Cyngor, Stryd Morgan, Aberteifi; a Swyddfeydd y Cyngor, Stryd y Farchnad, Llanbedr Pont Steffan, yn ystod oriau arferol swyddfeydd.

Datganiad o resymau

Mae Gorchymyn Cyngor Sir Ceredigion (Llefydd Parcio Oddi ar y Stryd) 2025 yn cael ei gynnig ar sail sicrhau bod Llefydd Parcio Cyngor Sir Ceredigion sy’n dod o dan y Gorchymyn yn cael eu rheoli’n effeithlon. Mae hyn yn cynnwys, ond heb fod yn gyfyngedig i, symleiddio a rhesymoli’r trefniadau codi tâl, sicrhau bod Llefydd Parcio yn briodol ar gyfer y math o gerbyd / defnyddiwr a ganiateir, cynyddu capasiti, cymell pobl i brynu trwyddedau parcio, ymestyn yr eithriadau presennol ar gyfer Deiliaid Bathodynnau Glas, adlewyrchu’r newidiadau technolegol a sicrhau bod darpariaethau’r Gorchymyn – sy'n sail i'r trefniadau yn y Llefydd Parcio – yn gywir a pherthnasol.

Gwrthwynebiadau

Gwrthwynebiadau, gan nodi’r rhesymau yn ysgrifenedig, at clic@ceredigion.gov.uk neu’r Gwasanaethau Cyfreithiol, trwy law Ystafell y Post, Cyngor Sir Ceredigion, Canolfan Rheidol, Rhodfa Padarn, Llanbadarn Fawr, Aberystwyth, Ceredigion, SY23 3UE neu drwy'r ffurflen ar-lein, i'w cael erbyn 04/12/2024.

Ffurflen ar-lein

Ymgynghoriad Cyhoeddus Gorchymyn Llefydd Parcio Oddi ar y Stryd

Os bydd eich ymateb yn mynd y tu hwnt i'r uchafswm o ran cymeriadau testun anfonwch eich ymateb at clic@ceredigion.gov.uk gan roi yn y blwch testun: Ymgynghoriad Cyhoeddus - Gorchymyn Arfaethedig Cyngor Sir Ceredigion (Lleoedd Parcio Oddi ar y Stryd) 2025).

Gwybodaeth Atodol

Dogfen gwybodaeth ategol
Gorchmynion Llefydd Parcio Oddi ar y Stryd Presennol

Ceredigion County Council website