Gwasanaeth Ieuenctid Ceredigion

Beth yw'r gwasanaeth ieuenctid?

Mae'r Gwasanaeth Ieuenctid yng Nghymru yn cyfeirio at y fframwaith cyflawni gwaith ieuenctid a wneir yn bennaf gan awdurdodau lleol, sefydliadau ieuenctid gwirfoddol cenedlaethol a lleol, gyda'r ddau sector yn aml yn cydweithio'n agos. Mae gwaith ieuenctid yn rhan o Wasanaethau Cymorth Ieuenctid ehangach, y mae’n rhaid i awdurdodau lleol eu darparu ar gyfer pobl ifanc yn eu hardal o dan Adrannau 123 i 129 o Ddeddf Dysgu a Sgiliau 2000 wefan deddfwriaeth.

Mae gwaith ieuenctid yn cynnwys addysg a datblygiad cymdeithasol a phersonol, pobl ifanc rhwng 11 a 25 oed ac fe'i cyflwynir mewn amrywiaeth o leoliadau gan gynnwys clybiau ieuenctid, lleoliadau preswyl, canolfannau gwybodaeth, canolfannau cyngor a chwnsela, ar y strydoedd ac mewn gwahanol leoliadau cyhoeddus lle mae pobl ifanc yn cyfarfod a thrwy brosiectau arbennig testun-benodol ac ati (Gwasanaeth Ieuenctid - CLlLC).

Ein gweledigaeth:

“Mae'r gwasanaeth ieuenctid yn wasanaeth grymus sydd yn ymrwymo i gefnogi datblygiad personol, cymdeithasol ac addysgol pobl ifanc trwy gefnogaeth arbenigol a darpariaeth mynediad agored, i annog pob person ifanc i gyrraedd eu llawn potensial ac i wneud dewisiadau gwybodus i fyw bywydau ystyrlon.”

Gyda phwy rydyn ni'n gweithio?

Fel gwasanaeth, rydym yn gweithio gydag amrywiaeth o wasanaethau a sefydliadau partner yng Ngheredigion, ar draws y rhanbarth ac yn genedlaethol i ddarparu gweithgareddau cyffredinol i bobl ifanc 11-25 oed. Mae gennym dîm o weithwyr ieuenctid, gweithwyr cymorth ieuenctid, cydlynwyr a swyddi eraill sy'n cyflwyno darpariaeth i bobl ifanc a'u teuluoedd. Rydym hefyd yn darparu mwy o gymorth wedi’i dargedu lle mae ei angen.

Y tîm Llwybrau Cymorth yw'r lle cychwyn ar gyfer pob atgyfeiriad i’r Porth Cymorth Cynnar a'i wasanaethau p'un a ydynt yn cael eu derbyn drwy Clic neu os ydynt wedi’u brysbennu gan y Porth Gofal. Mae'r tîm wedi’i leoli o fewn y gwasanaeth ieuenctid ac mae’n darparu cefnogaeth uniongyrchol i bob gwasanaeth ym Mhorth Cymorth Cynnar gan nodi, cysylltu, monitro a gwerthuso ymyriadau neu gymorth

Am fwy o wybodaeth am y model Gydol Oes a Phorth Cymorth Cynnar ewch i'n hadran Lles a Gofal.

Ble a phryd rydyn ni'n gweithio?

Mae'r gwasanaeth ieuenctid yn gweithio mewn llawer o wahanol ffyrdd. Mae gennym weithwyr ieuenctid amser llawn yn yr ysgol ac yn y gymuned. Isod mae dadansoddiad o’n cynnig gwaith ieuenctid yng Ngheredigion:

Cymorth cynnar a chefnogaeth ar ffurf grŵp	Darpariaeth gyffredinol	Ymyriadau wedi'u targedu a'u harwain gan anghenion	Cyfranogiad, hawliau a gwybodaeth
Cyrsiau llesiant emosiynol, cymdeithasol, meddyliol a chorfforol Prosiectau datblygiad personol a chymdeithasol Dysgu achrededig Gosod nodau Ymgyrchoedd, blaengaredd a mentrau thematig Darpariaeth ar-lein Sgiliau bywyd	Clybiau ieuenctid a rhaglenni ar ôl ysgol Rhaglenni gyda'r nos, penwythnos a gwyliau ysgol Chwaraeon ac antur awyr agored Prosiectau iechyd a llesiant Gweithgareddau galw heibio ac ar hap Ymweliadau dydd a phrofiadau preswyl	Gweithgareddau allgymorth, datgysylltiol a symudol Prosiectau thematig wedi’u strwythuro Darpariaethau ataliol a dargyfeiriol Lleihau niwed/codi ymwybyddiaeth Rhaglenni anogaeth a chyfoethogi Rhaglenni celf a chrefft	ABGI/gweithdai thematig ac ymgyrchoedd Ymwybyddiaeth CCUHP Cyngor Ieuenctid a fforymau ieuenctid Gwirfoddoli Dinasyddiaeth Digwyddiadau dathlu Ymgysylltiad digidol Cyfnewidfeydd ieuenctid Digwyddiadau a Diwrnodau Hwyl

Addysgiadol

Cefnogaeth a darpariaeth gyffredinol ac wedi’i thargedu sy’n cael ei ffurfio trwy ymgysylltu â phobl ifanc ac sy’n anelu at wella eu llesiant emosiynol, meddyliol, corfforol a chymdeithasol unigol a grŵp trwy brofiadau dysgu anffurfiol, heb fod yn ffurfiol, a mwy strwythuredig.

Cynwysiadol

Mannau a gweithgareddau diogel, seiliedig ar le, gan gynnwys gofodau digidol, lle gall pob person ifanc, waeth beth fo’u cefndir neu gyd-destun personol, gael hwyl, teimlo bod croeso iddynt a’u bod yn cael eu gwerthfawrogi, cael perthnasoedd ystyrlon ag oedolion y gellir ymddiried ynddynt a all eu pontio lle maent yn eu cymunedau i wasanaethau dylai hynny fod yn hawdd ei gyrraedd a’u helpu nhw a’u cyfoedion i deimlo’n gysylltiedig â’u cymuned.

Cyfranogol

Strwythurau sy’n hyrwyddo hawliau pobl ifanc ac sy’n eu galluogi i gael mynediad at ystod o wybodaeth a gweithgareddau yn seiliedig ar yr hyn y maent ei angen neu ei eisiau, ac i rannu yn y broses o wneud penderfyniadau ar faterion sy’n effeithio arnynt gan gynnwys adolygu gwasanaethau ac asesu safonau.

Grymuso

Llwybrau i brofi dinasyddiaeth, dysgu rhyngddiwylliannol, symudedd/cyfnewid, a chyfleoedd ieithyddol sy’n cefnogi pob person ifanc i ddysgu a dathlu cyflawniadau, amrywiaeth, yn ei holl ffurfiau a datblygu ymdeimlad cryf o hunaniaeth gyda’u cymuned, eu gwlad a’r byd .

Mynegiannol

Cyfleoedd i ennill profiad a datblygu trwy leoliadau addysgol anffurfiol eang a mynediad i gwricwlwm gwaith ieuenctid, yn seiliedig ar Egwyddorion a Dibenion Gwaith Ieuenctid.

Pam fod angen ein gwaith?

Mae Gwaith Ieuenctid yng Nghymru wedi'i ymgorffori ar ddull pum piler y sector sy'n cynnig cyfleoedd ar gyfer dysgu sef: grymuso, addysgiadol, mynegiannol, cyfranogol a chynhwysol. Mae Egwyddorion a Dibenion Gwaith Ieuenctid yng Nghymru yn ddogfen sydd wedi'i hysgrifennu ar gyfer pobl ifanc, y rhai sydd eisoes yn ymwneud â sefydliadau gwaith ieuenctid yn ogystal â'r rhai sy'n dymuno darganfod mwy am y mathau o brofiad y gall sefydliadau gwaith ieuenctid eu darparu.

Mae deddfu ar gyfer fframwaith newydd ar gyfer gwasanaethau ieuenctid yng Nghymru yn ymrwymiad Rhaglen Lywodraethu. Mae hyn yn mynd i'r afael ag argymhelliad a wnaed gan y Bwrdd Gwaith Ieuenctid dros dro yn ei adroddiad terfynol, a oedd yn galw am weithredu gan Lywodraeth Cymru i fynd i'r afael â'r hyn yr oedd yn ei ystyried yn sail ddeddfwriaethol wan ar gyfer gwaith ieuenctid.

Dylai fod gan bob person ifanc 11-25 oed yng Ngheredigion fynediad hawdd trwy gyfrwng y Gymraeg a'r Saesneg, at ddarpariaeth gwaith ieuenctid sylfaenol, yn seiliedig ar eu hanghenion a'u dymuniadau. Yng Ngheredigion, rydym wedi ymrwymo i gefnogi datblygiad pobl ifanc drwy amrywiaeth o gyfleoedd a gweithgareddau, sy’n cael eu datblygu a’u darparu mewn cydweithrediad â phartneriaid.

Cipolwg pum mlynedd

Ers 2019, rydym ni wedi:

Cefnogi dros 1000 o bobl ifanc mewn ysgolion a lleoliadau cymunedol
Croesawi mwy na 1500 o bobl ifanc i'n clybiau ieuenctid
Trefnu mwy na 150 o deithiau a diwrnodau gweithgaredd
Cefnogi 450 o bobl ifanc yn ôl i addysg, cyflogaeth a hyfforddiant
Helpu mwy na 5000 o bobl ifanc i gymryd rhan mewn ymgyrchoedd blynyddol 'Rhoi Dy Farn'
Gwreiddio dulliau adferol, gwella o drawma a hyfforddiant ymddygiad cadarnhaol ar draws y gwasanaeth a gwasanaethau partner
Cefnogi mwy na 50 aelod o staff a phartneriaid i gyflawni cymwysterau gweithwyr cefnogi ieuenctid a gweithwyr ieuenctid lefel 2 a 3
Cefnogi 125 o bobl ifanc i ymuno â'r Cyngor Ieuenctid gyda chynrychiolaeth o bob ysgol uwchradd, Uned Cyfeirio Disgyblion, Coleg Ceredigion, Llysgenhadon Cymunedol Aberystwyth, URDD, Hwb Ieuenctid GOATS, Addysg Gartref o ddewis, Clwb Ieuenctid Talybont a Gwasanaeth Ieuenctid Ceredigion
Wedi cefnogi’r Aelod Seneddol Ieuenctid y Deyrnas Unedig a etholwyd dros 10 mlynedd
Cyflawni mwy na 150 o wahanol brosiectau targed sy’n cefnogi themâu penodol
Cefnogi chwe sefydliad ieuenctid gwirfoddol gyda chytundebau partneriaeth blynyddol a mynediad ehangach at adnoddau, offer, hyfforddiant a mentrau ar y cyd