Ceredigion County Council website

Mae crwneriaid yn cofnodi ac ymchwilio i farwolaethau sydyn, annisgwyl a threisgar.

• Uwch Grwner Ei Mawrhydi ar gyfer Ceredigion yw Mr Peter L Brunton
• Crwneriaid Cynorthwyol ei Mawrhydi dros Geredigion yw Mrs Louisa Corcoran a Mr Mark Layton

Ni hysbysir y crwner am bob marwolaeth, yn y rhan fwyaf o achosion, gall meddyg teulu neu feddyg ysbyty gyhoeddi Tystysgrif Feddygol yr achos marwolaeth fel y gellir ei gofrestru gan y cofrestrydd.

Pryd mae’n fater i’r crwner?

Dylid hysbysu’r crwner am farwolaeth pan fydd meddyg yn gwybod neu'n cael achos rhesymol i amau bod y farwolaeth:

• Wedi digwydd o ganlyniad i wenwyno, y defnydd o gyffur a reolir, cynnyrch meddyginiaethol, neu gemegyn gwenwynig;
• Wedi digwydd o ganlyniad i drawma, trais neu anaf corfforol, boed yn fwriadol neu fel arall;
• Yn gysylltiedig ag unrhyw driniaeth neu lawdriniaeth o natur feddygol neu debyg;
• Wedi digwydd o ganlyniad i hunan-niweidio, (gan gynnwys methiant gan yr ymadawedig i warchod eu bywyd eu hunain) boed yn fwriadol neu fel arall;
• Wedi digwydd o ganlyniad i anaf neu afiechyd a dderbyniwyd yn ystod, neu y gellir ei briodoli i, waith yr ymadawedig;
• Wedi digwydd o ganlyniad i ddamwain, gwenwyno neu afiechyd hysbysadwy;
• Wedi digwydd o ganlyniad i esgeulustod neu fethiant gofal gan berson arall;
• Fel arall yn annaturiol

        (Nid yw hon yn rhestr gyflawn)

Beth mae’r crwner yn ei wneud?

Bydd crwneriaid yn ceisio sefydlu achos meddygol marwolaeth. Os yw'r achos yn dal i fod yn amheus ar ôl post mortem, bydd cwest yn cael ei gynnal. Os yw'r archwiliad yn dangos bod y farwolaeth wedi bod yn un naturiol, efallai na fydd angen cwest a bydd y crwner yn anfon ffurflen at y cofrestrydd marwolaethau fel y gall y perthnasau gofrestru'r farwolaeth a gall y cofrestrydd roi tystysgrif claddu.

Cwestau

Cynhelir cwest i gofnodi:

• Pwy oedd yr ymadawedig
• Pryd, ble a’r rheswm meddygol dros farwolaeth ef neu hi

Pan gyrhaeddir casgliad, mae'r crwner yn cofnodi'r manylion sydd eu hangen ar gyfer cofrestru'r farwolaeth.

Nid yw cwest yn pennu unrhyw gwestiwn o atebolrwydd sifil neu atebolrwydd troseddol ar ran person a enwir.

Fel arfer Cynhelir Cwestau ar gyfer Ceredigion yn:
Canolfan Cyfiawnder Aberystwyth
Y Lanfa
Trefechan
Aberystwyth
Ceredigion
SY23 1AS

Cofrestru Marwolaethau

Os bydd y crwner yn penderfynu bod angen cynnal cwest, yna ni chaiff y farwolaeth ei chofrestru nes bod y cwest wedi'i gwblhau, fodd bynnag bydd y Crwner yn cyhoeddi Tystysgrif Marwolaeth Dros Dro os oes angen i weinyddu materion yr ymadawedig hyd nes bydd cofrestriad llawn.

Ar ddiwedd y cwest bydd y Crwner yn anfon manylion yr ymadawedig i'r cofrestrydd ar gyfer yr ardal lle digwyddodd y farwolaeth. Mae’r swyddfa gofrestru ar gyfer Ceredigion yn:

Canolfan Rheidol
Rhodfa Padarn
Llanbadarn Fawr
Aberystwyth
SY23 3UE

Ffôn: 01970 633580

Cysylltwch 

Swyddfa’r Crwner

Gallwch gysylltu â Swyddfa'r Crwner gan ddefnyddio'r manylion isod:

Uwch Grwner EM: Peter Brunton
6 Pen Uchaf Stryd Portland
Aberystwyth
Ceredigion
SY23 2DU

E-bost: peter.brunton@bruntonandco.co.uk
Rhif ffôn: 01970 612567 (Gwaith) 01654 702248 (Adref)
Ffacs: 01970 615572

Crwner Cynorthwyol ei Mawrhydi: Louisa Corcoran
Canolfan Rheidol
Rhodfa Padarn
Llanbadarn Fawr
Aberystwyth
Ceredigion
SY23 3UE

E-bost: louisacorcoran.ext@ceredigion.gov.uk
Rhif ffôn: 07866 885291

Crwner Cynorthwyol ei Mawrhydi: Mark Layton
Canolfan Rheidol
Rhodfa Padarn
Llanbadarn Fawr
Aberystwyth
Ceredigion
SY23 3UE

E-bost: mark.layton@ejudiciary.net

Swyddog Crwner Ceredigion yw:

Swyddog Y Crwner: Steve Lloyd
Gorsaf Yr Heddlu
Aberystwyth
Ceredigion
SY23 1PH

Oriau gwaith Dydd Llun i Ddydd Iau, 07.00y.b. - 2.30y.p.

Ffon Symudol: 07966 648812
E-bost: steve.lloyd@dyfed-powys.police.uk
Ffacs: 01970 630605