Gostyngiad Treth y Cyngor
Mae Budd-dal Treth y Cyngor wedi'i ddisodli gan gynllun Gostyngiad Treth y Cyngor.
Os ydych ar incwm isel, gallai Gostyngiad Treth y Cyngor eich helpu i dalu eich bil Treth y Cyngor.
Efallai y bydd gennych hawl i ostyngiadau, diystyru ac eithriadau eraill o’ch bil Treth y Cyngor sy’n seiliedig ar eich amgylchiadau neu eich incwm. Darganfyddwch fwy ar y tudalen Gostyngiadau ac Eithriadau.
Mae Gostyngiad Treth y Cyngor ar gael i chi os ydych yn talu Treth y Cyngor ar gyfer y cartref rydych chi’n byw ynddo fel arfer. Gallwch wneud cais amdano p’un a ydych yn berchen ar eich cartref neu’n ei rentu.
Os oes angen i chi hawlio Gostyngiad Treth y Cyngor, defnyddiwch y cais ar y dudalen Ffurflenni Cais.
Sut mae Gostyngiadau i Dreth y Cyngor yn cael eu cyfrifo
Mae swm Gostyngiad Treth y Cyngor yn dibynnu ar eich incwm a’ch cynilion.
Byddwn yn cyfrifo faint o arian sydd ei angen arnoch i fyw arno yn seiliedig ar amgylchiadau eich teulu. Os yw eich incwm yn uwch na'ch anghenion - fel y'i pennir gan ffigurau'r llywodraeth - bydd swm y cymorth tuag at eich bil Treth y Cyngor a gewch yn cael ei leihau.
Efallai y bydd eich budd-dal hefyd yn cael ei leihau os oes gennych oedolion eraill yn byw yn eich cartref. Os bydd eich cais yn llwyddiannus, byddwch fel arfer yn dechrau derbyn Gostyngiad Treth y Cyngor o’r diwrnod y derbyniwyd eich hawliad.
Bydd swm y gostyngiad yn cael ei ddyrannu’n awtomatig i’ch cyfrif Treth y Cyngor. Bydd bil newydd yn cael ei anfon atoch, gan ddangos eich balans a’ch rhandaliadau newydd.
Os ydych chi, a’ch partner (os yw’n berthnasol), wedi cyrraedd yr oedran cymhwyso ar gyfer Credyd Pensiwn y Wladwriaeth ac yn gymwys ar gyfer Budd-dal Tai a/neu Ostyngiad Treth y Cyngor, gallwn ôl-ddyddio eich budd-dal/gostyngiad yn awtomatig hyd at 3 mis cyn y dyddiad gwnaethoch eich cais (cyn belled â bod gennych hawl i fudd-dal/gostyngiad ar gyfer y cyfnod hwnnw).
Er mwyn i ni gyfrifo faint o fudd-dal/gostyngiad y bydd gennych hawl iddo, bydd angen i chi ddarparu tystiolaeth ddogfennol o’ch incwm, cynilion a rhent (os yw’n berthnasol) ar gyfer y cyfnod rydych am ei hawlio.
Os nad ydych eto wedi cyrraedd yr oedran cymhwyso ar gyfer Credyd Pensiwn y Wladwriaeth, os ydych yn gymwys i gael Budd-dal Tai, byddwn fel arfer yn talu eich budd-dal o’r dydd Llun ar ôl i chi ofyn i ni am ffurflen gais (os byddwch yn dychwelyd y ffurflen gais o fewn un mis calendr i gysylltu â ni).
Os ydych yn gymwys i gael Gostyngiad Treth y Cyngor, byddwn fel arfer yn talu eich gostyngiad o’r dyddiad y gwnaethoch ofyn am ffurflen gais (os byddwch yn dychwelyd y ffurflen gais o fewn mis i gysylltu â ni).
Weithiau gallwn dalu budd-dal/gostyngiad am gyfnod cyn y dyddiad y gwnaethoch hawlio. Gelwir hyn yn ôl-ddyddio. Yr uchafswm y gallwn ôl-ddyddio eich cais yw:
- 1 mis ar gyfer Budd-dal Tai neu Lwfans Tai Lleol
- 3 mis ar gyfer Gostyngiad Treth y Cyngor
o’r dyddiad y gwnewch eich cais ôl-ddyddio, ar yr amod y gallwch ddangos:
- Roedd gennych ‘achos da’ dros beidio â gwneud eich cais yn gynharach
- Ni allech hawlio trwy gydol y cyfnod yr hoffech i’ch cais gael ei ôl-ddyddio
- Bydd angen i chi ddarparu tystiolaeth ddogfennol o’ch incwm, cynilion a rhent (os yw’n berthnasol) am y cyfnod rydych am ei hawlio.
Rhaid gwneud cais am ôl-ddyddio yn ysgrifenedig.
Byddwn yn penderfynu a allwn ôl-ddyddio eich budd-dal/gostyngiad yn seiliedig ar y wybodaeth a roddwch i ni ac os ydych yn anghytuno â’n penderfyniad, gallwn wneud apêl drwy ymweld â'n tudalen Apeliadau.
Gallai unrhyw newid yn eich incwm neu amgylchiadau effeithio ar eich cais. Mae hyn hefyd yn berthnasol i amgylchiadau unrhyw un sy’n byw yn eich cartref.
Os nad fyddwch yn darparu diweddariad o fewn un mis i’r newid ddigwydd, gallwch golli allan neu orfod talu arian yn ôl.
Mae’r newidiadau y mae angen i chi roi gwybod i ni amdanynt yn cynnwys:
- Os fyddwch chi’n newid cyfeiriad
- rydych chi neu’ch partner yn dechrau gweithio, yn newid swydd neu’n cael codiad cyflog
- mae unrhyw newid i unrhyw incwm rydych chi neu’ch partner yn ei dderbyn (budd-daliadau’r Adran Gwaith a Phensiynau, pensiynau ac ati)
- mae un o’ch plant yn gadael yr ysgol neu wedi cael babi
- mae unrhyw un yn symud i mewn neu allan o’r eiddo, hyd yn oed dros dro
- mae gennych bartner newydd neu rydych yn priodi neu’n gwahanu
- mae newid yn eich cynilion
- rydych yn dechrau neu’n stopio talu costau gofal plant neu os yw’r swm yn newid
- mae amgylchiadau unrhyw un yn eich cartref yn newid
Sylwch fod y rhain yn enghreifftiau a dylech ddweud wrthym ar unwaith am unrhyw newid a allai effeithio ar eich budd-dal.
Person 18 oed neu hŷn sy’n byw yn eich cartref neu sy’n defnyddio’ch cartref fel ei brif breswylfa ar sail anfasnachol, fel arfer yn fab, merch, ffrind neu berthynas sy’n oedolion.
Fel arfer, mae Budd-dal Tai a/neu Ostyngiad Treth y Cyngor yn cael ei leihau ar gyfer pob person annibynnol sy'n byw yn eich cartref ac mae'n seiliedig ar yr incwm gros wythnosol y mae'r person annibynnol yn ei dderbyn. Gosodir y ffigurau hyn gan y Llywodraeth.
Yng ngoleuni hyn, bydd angen i chi ddweud wrthym os yw incwm eich person annibynnol yn newid, mae amgylchiadau'n newid, neu os bydd person annibynnol yn symud i mewn i'ch cartref, neu allan ohono.
Pryd na fyddwch yn gwneud didyniad person annibynnol?
Ni wneir didyniad pobl annibynnol yn yr achosion canlynol:
- Os ydych chi neu'ch partner (os yw'n berthnasol) wedi'ch cofrestru'n ddall
- Os ydych chi neu'ch partner (os yw'n berthnasol) yn derbyn Lwfans Gweini
- Os ydych chi neu'ch partner (os yw'n berthnasol) yn derbyn yr elfen gofal o'r Lwfans Byw i'r Anabl ar unrhyw raddfa
- Os ydych chi neu'ch partner (os yw'n berthnasol) yn derbyn yr elfen byw bob dydd o'r Taliad Annibyniaeth Personol
- Os ydych chi neu'ch partner (os yw'n berthnasol) yn derbyn Taliad Annibyniaeth y Lluoedd Arfog
- Ar gyfer Budd-dal Tai – pobl nad ydynt yn ddibynnol o dan 25 oed ac sy’n derbyn Cymhorthdal Incwm neu Lwfans Ceisio Gwaith seiliedig ar incwm neu Lwfans Cyflogaeth a Chymorth (yn gysylltiedig ag incwm) nad yw’n cynnwys swm ar gyfer yr elfen gymorth neu’r gydran gweithgaredd cysylltiedig â gwaith neu Gredyd Cynhwysol (lle cyfrifir y dyfarniad ar y sail nad oes gan y person annibynnol unrhyw incwm a enillwyd)
- Ar gyfer Gostyngiadau Treth y Cyngor – pobl nad ydynt yn ddibynnol sy’n derbyn Cymhorthdal Incwm neu Lwfans Ceisio Gwaith seiliedig ar incwm neu Lwfans Cyflogaeth a Chymorth (yn gysylltiedig ag incwm) neu Gredyd Cynhwysol (lle cyfrifir y dyfarniad ar y sail nad oes gan y person annibynnol unrhyw incwm a enillwyd)
- Pobl annibynnol sy'n derbyn Credyd Pensiynau
- Pobl annibynnol sy'n fyfyrwyr llawn amser (gelli'r gwneud didyniad os yw'r myfyriwr yn gweithio am dâl yng ngwyliau'r haf)
- Pobl annibynnol sy'n hyfforddeion ieuenctid
- Pobl annibynnol sydd yn y carchar
- Pobl annibynnol sydd yn yr ysbyty am 52 wythnos neu fwy
Beth yw lefelau presennol y didyniadau ar gyfer Gostyngiad Treth y Cyngor?
Noder: Diffiniad gwaith am dâl yw bod mewn gwaith am 16 awr neu fwy bob wythnos (gan ddisgwyl tâl am y gwaith).
| Didyniadau i bobl nad ydynt yn ddibynnol | Ebrill 2024 |
|---|---|
| Yn derbyn Credyd Pensiwn y Wladwriaeth, Cymhorthdal Incwm neu Lwfans Ceisio Gwaith yn Seiliedig ar Incwm neu Lwfans Cyflogaeth a Chymorth (yn Gysylltiedig ag Incwm) neu Gredyd Cynhwysol (lle cyfrifir y dyfarniad ar y sail nad oes gan yr unigolyn nad yw’n ddibynnol unrhyw incwm a enillir) | Dim |
| 18 oed neu’n hŷn ac mewn gwaith am dâl (dros 16 awr) - Mae hyn yn cynnwys y rhai sydd hefyd yn derbyn Credyd Cynhwysol ac mewn gwaith am dâl | |
| - incwm gros: llai na £266 | 6.25 |
| - incwm gros: ddim yn llai na £266 ond yn llai na £463 | 12.45 |
| - incwm gros: ddim yn llai na £463 ond yn llai na £577 | 15.65 |
| - incwm gros: £577 neu fwy | 18.70 |
| - Eraill dros 18 oed | 6.25 |
Os nad oes gennych yr holl dystiolaeth a’r wybodaeth sydd eu hangen arnom i gefnogi’ch cais, peidiwch ag oedi cyn anfon eich ffurflen gais neu gallech golli allan ar fudd-dal. Gallwch anfon y dystiolaeth yn nes ymlaen.
Efallai y bydd angen tystiolaeth i gefnogi eich cais newydd am Fudd-dal Tai, Gostyngiad Treth y Cyngor, Taliad Tai Dewisol, neu cyn y gallwn weithredu newid mewn amgylchiadau, fel prawf o'ch incwm, cynilion neu brawf o daliadau rhent. Fodd bynnag, byddwn yn rhoi gwybod i chi beth fydd angen i chi, os unrhyw beth, ei ddarparu.
Gellir cyflwyno tystiolaeth drwy atodiad e-bost i revenues@ceredigion.gov.uk gyda'ch rhif cyfeirnod neu enw a chyfeiriad llawn, drwy'r post (peidiwch ag anfon dogfennau gwerthfawr drwy'r post) neu yn un o'n Canolfannau Gwasanaethau Cwsmeriaid.